منتدى تحالف المعاقبون

منتدى خاص لتحالف المعاقبون في لعبه اكريام عالم دلتا
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 احلى احزن قصة 1

اذهب الى الأسفل 
كاتب الموضوعرسالة
A_g
معاقب فضي
avatar

عدد المساهمات : 240
تاريخ التسجيل : 10/06/2010
العمر : 24
الموقع : تحت الانشاء

مُساهمةموضوع: احلى احزن قصة 1   السبت يونيو 12, 2010 11:30 pm



--------------------------------------------------------------------------------


صدقوني طويله بس تستاهل انكم تقرونها........







عندما تجعل شخص معين في مكان كبير وتحط عليه امال كبيره وتجعله هو الذي حقق حلمك الذي كنت تحلم فيه طول عمرك .. وفي الاخير تكتشف انك عشت في كذبه كبيره .. في لحظه يتحول كل هذا الحب الى كره وجرح من المستحيل ان يعالج ..

هذه القصه تحكي هذه الصدمه .. من خلال ابطال القصه .. ارجوا منكم القراءه والفهم منها ... وتحياتي لكم ..


في شارع الكويت المزحوم بالطلبه والطالبات واصوات السيارت ..

حسين : اقول سالم .. اها ياني شفت وحده امس شنو اقولك روووعه .. بس عيبها شغله وحده ؟

سالم : اكيد خشمها كبير ولا حلجها مغطي نص مساحة ويهها ..

حسين : يضحك ... لالا شي ثاني من طبعها ؟

سالم : قول خلصني بروحي ضايق خلقي لانه العطله انتهت !!

حسين : ما تعطي ويه ابد ..

سالم : ( وهو يعدل قذلته قدام وحده من مرايات السيارات الي واقفه في الشارع ) والله يا حسين شكلك ما تعرف صاحبك .. انا ما عمري وقفت بنت في ويهي وانا سالم ..

حسين : شوف اذا يبت راسها صدقني اعطيك الي تبيه !!

سالم : الي ابيه يا حسين ..

حسين : الي تبيه ..

سالم : شوف الي ابيه هو شي غالي عندك .. بس ابي اخلي السالفه اكبر علشان تكون تستاهل ولا تتردد انك تعطيني الي ابيه ...

حسين : شنو قصدك ؟

سالم : انا ابي اوعدك اني ايب راسها واخليها بعد تي لين بيتنا .. وهم تبجي .. بس اذا سويت هذا كله خلال شهر واحد ابيك تعطيني تليفونك النقال اليديد !!

حسين : ( بتعجب وسخريه ) تيبها لين بيتكم وهي تبجي بعد .. اتحداك ..

سالم : لايبه ... مو بينا جي ابي اخلي محمد يشهد عليك علشان ما تنحاش ولا تجذب

وفي هذا الوقت كان محمد مار في الشارع الي كانوا فيه واقفين ..

سالم : محمد محمد .. تعال ابيك ..

ويجي محمد ويقولون له السالفه كلها .. ويشهد محمد على السالفه واستانس لما عرف منوا البنت الي كانوا يتكلمون عنها لانه عرف انها ما عمر ها عطت ويه حق أي واحد من الشباب وحب يشوفها شلون تنذل بعد ما كانت كلها كبرياء وشموخ ..


اليوم الثاني ..

كان سالم مار شارع البنت الي كانوا يتكلمون عنها ولا يشوفها تسقي الورد الي في حديقتهم ..

سالم : قووه !!

تطالعه البنت ولا ترد عليه ..

سالم : زين السلام !!

وهم ما ترد عليه !!!

سالم : شكلج مو كويتيه تدرين خني اكلمج انجليزي .. هاي ...

وهم ما ترد عليه !!

سالم : لا انجليزي ينفع ولا عربي .. يعني تبيني اكلمج في أي لغه؟؟؟

عهود : ممكن تفارج عن ويهي على الصبح .. والله كديت خير اذا من صباح خير تصبحت في ويهك .. عز الله نجحت في الاختبار ..

سالم : وانا شكو اذا سقطتي مو مني هذا من ويه امك الي تصبحتي عليه ..

عهود : زين جب جب .. وفارج عن ويهي اشوف ..

سالم : انا اصلا ابي افارج عن ويهج وان شاء الله يا رب ساقطه .. بس قبل لا افارج عن ويهج ... ابي اخذ ورده لو سمحتي .. تراني على فكره اول مره استاذن بعمري كلها واخر مره ...

عهود : لو فيك خير مد ايدك على الورد والله لا اهفك باكبر شي عندي

سالم : هذا لو لحقتيني ( ويخطف ورده وينحاش وهو يضحك)

وعهود تقوم تصارخ ..

وصار سالم كل يوم يجي الصبح يسرق من حديقة عهود ورده والظهر يتحرش فيها وهو راد من المدرسه .. لي مدة اسبوع ...

صباح اليوم الثامن وكان الجو بارد ..

كان محمد يتمشى في الشارع متجه الى حديقة عهود لي يخطف وردها مثل كل يوم ويسمع صراخ عهود ..

يقترب سالم من حديقه بخطوات خفيفه علشان ما تحس فيه عهود الي كانت واقفه وحاضنه كتابها ومبين على ويهها ملامح التعب ..

سالم : قووووووووووووه ( بصوت عالي )

عهود : اوووووووووووووف ..

سالم : اليوم ياربي ما ادري شنو اخذ الورده الحمره ولا الورده الخضره .. ولا البيضه ابيج تساعديني في الاختيار يا حلوه ..

ويجر سالم ورده وينحاش .. بس استغرب انه ما سمع صوت صراخ عهود الي كل صبح متعود عليه ..ويرد لها

سالم : اقول شفيج اليوم ما تصارخين العاده اسمع صوتج لين اخر الشارع

عهود : اووووووووووووف يا ربي وانت شنو تبي تبي ورده ولا صراخي ..

سالم : اثنين .

عهود : تكفى فارج عن ويهي تراني حدي تعبانه .. ومريضه

سالم : لا سلامات ايل خذي وردتج ايل ...

عهود : بعد شنو ما قطفتها وذبحتها تقول خذيها ...

سالم : لا خلاص من يوم ورايح ما راح اخذ منج أي وردها الا من رضاج انتي ... ويالله مع سلامه ...

استغربت عهود من كلام سالم وشلون تغير بعد ما كان مطفرها كل صبح .. ولما رجعت من المدرسه .. شافت سالم كان توه مار في شارعهم .. ولما شافها رد علشانها ...

سالم: قووه .. شلونج الحين

عهود وهي تبي تدخل الى حديقة بيتهم .. لين الحين تعبانه ..

سالم : لا سلامات روحي نامي احسن لج

عهود: اوكي ...

سالم : مع سلامه

عهود : مع سلامه .

اليوم الثاني الصبح

ركض سالم لين شارع عهود .. ولما وصل كانت عهود تسقي ورد الحديقه ..

سالم: قوه يا احلى ورده في حدايق الورد الي في الكويت كلها .. شلونج

عهود : هلا

سالم : شلون صحتج الحين .. لالا ماشاء الله عليج شحلاتج اكيد راح المرض عنج .

عهود: حمدالله ....

سالم : تصدقين اني احسد الورد عليج ... يااااااااالله ياليت انا ورده وانتي كل يوم تسقيني كل صبح

عهود : لا والله .. ايل خلاص ولا تزعل .. ( وترش على سالم ماي )

سالم : ( بغى يعصب بس تمالك اعصابه وضحك) الله يقطع ابليسج شنو سويتي فيني شلون اروح المدرسه جي ...

عهود : وانا شكو انت الي قلت ياليتني ورده وانا لبيت طلبك وشتبي بعد ..

ويجي الباص وتركب عهود الباص ويرد سالم لي بيت وهو متغرق في الماي ..

ويمرض سالم بانفلونزه اسبوع .. بسبت البرد لما رد لي البيت وهو غرقان ماي ..

واستغربت عهود غياب سالم لي مده هذه كلها وكانت كل ويوم تقطف وردها لين صاروا سبع وردات واليوم الثامن كان سالم يتمشى لين وصل بيت عهود وهي استانست لما شافت سالم

سالم : قوه والله يسامحج ..

عهود : هلا .. وليش؟؟

سالم : تذكرين لما غرقتيني في الماي وانا رديت لي بيت مرضت بسبتج .. اسبوع وانا على الفراش

عهود : انا اسفه ما كان قصدي ...

سالم : ومع هذا انتي احلى ورده في الكويت كلها .. وكيفي ولو تغرقيني في الماي مره ثانيه وامرض شهر ..

عهود : لا سمله عليك .. خذ هذه .. وتطلع له سبع وردات .. لما غبت عني كنت اقطف كل يوم ورده علشان اذا يت تاخذهم ..

سالم : مشكوره والله .. يعني معنى كلامج كل يوم لي ورده ...

عهود : ( وهي تطالع لي حديقة الورد مالتها ) هي خربانه خربانه كل يوم تعال و لك ورده ولا تزعل ..

سالم : مشكوره ... وانا الحين رايح لي مدرسه مع السلامه ...

عهود: مع السلامه ..


ويمشي سالم لي مدرسه وهو يفكر في عهود ويقول بينه وبين نفسه والله طيبه هذه البنت مو جنه حرام الي راح اسويه فيها .. ( في هذه للحظه ) يسمع صوت الجرس يرن في المدرسه ويركض لي مدرسه وينسى السالفه ..





ترقبوا الجزء الثاني من القصة
ولسا ضايل ثالث
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
A_g
معاقب فضي
avatar

عدد المساهمات : 240
تاريخ التسجيل : 10/06/2010
العمر : 24
الموقع : تحت الانشاء

مُساهمةموضوع: رد: احلى احزن قصة 1   السبت يونيو 12, 2010 11:37 pm

يتبع Laughing
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ψҜђλŁΣĐ_18ψ
معاقب ذهبي
avatar

عدد المساهمات : 306
تاريخ التسجيل : 28/04/2010
الموقع : مشرف قسم المواضيع العامه

مُساهمةموضوع: رد: احلى احزن قصة 1   الجمعة يوليو 30, 2010 12:37 pm

مشكوور بس ايش يعني قوووه هذا يضارب خخخخ بس مشكووور على هذا الموضوع الجميل
تحياتي
المشرف وحشCool
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
احلى احزن قصة 1
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى تحالف المعاقبون :: القسم الاجتماعي :: منتدى القصص والروايات-
انتقل الى: